挑機黎耀祥玩射擊比賽

龔嘉欣爆冷勝出

龔嘉欣與黎耀祥在新劇中有不少埋身肉搏戲份，每次交手總是難分難解。昨日兩人參與競技射擊運動，大鬥槍法，實行由戲內鬥到戲外。

由兩大視帝黎耀祥（祥仔）、陳豪及龔嘉欣、李佳芯主演的無線熱播劇《殺手》，自開播以來贏盡收視口碑，其中飾演“閻武”的祥仔，與“黑天使”龔嘉欣在劇中有不少埋身肉搏戲份，每次交手總是難分難解。早前嘉欣更向祥仔“挑機” 參與競技射擊運動，實行由戲內鬥到戲外。昨日兩人就透過三個回合的射擊比賽，鬥眼界、鬥速度及鬥專注力。

首個回合，祥仔與龔嘉欣先要互射對方肖像測試眼界。比試之前，祥仔盡顯紳士風度表示：“嘉欣，你想我開槍打你邊度？”嘉欣聞言即答道：“打我最大的地方，我對眼！”不過祥仔似乎眼界麻麻，未有打中嘉欣的指定目標。相反龔嘉欣似“黑天使”上身，槍槍打中祥仔肖像要害，完勝首回合。

輸家被當活靶，之後兩人要鬥快上彈開槍射靶。在劇中曾是頂級殺手的祥仔，身手、速度當然有返咁上下，輕鬆力壓龔嘉欣勝出，扳回一局。到完勝回合，兩人要鬥快跑到槍前換彈夾再射擊目標。雖然祥仔由起跑到換彈夾均一直領先，但遭龔嘉欣後來居上爆冷勝出；祥仔最終須接受大懲罰，當成龔嘉欣的活靶任射唔嬲。

兩人都表示是首次參與競技射擊運動，大讚刺激好玩。祥仔笑言：“見到靶牌被打到跌低晒，感覺到同靶之間有交流，所以玩呢個活動好有滿足感。加上揸起槍好有型，我從來未試過咁有型。”爆冷獲勝的龔嘉欣自言有遠視，她說：“冇諗過會贏！平時掟飛鏢都唔會掟中個靶，以為玩競技射擊運動對女仔會更難，但原來一啲都唔難。”

提到兩人在《殺手》中首次合作，祥仔與龔嘉欣即互笠高帽。嘉欣表示：“如果在退休前，未跟祥哥合作過的話，絕對是遺憾。開頭未認識祥哥，以為佢好Cool，但合作過程發覺祥哥好照顧後輩，而且仲好專業。記得有場戲，祥哥拍到身水身汗、膝頭都腫晒，我就等埋位食緊薯條，見到祥哥一句怨言都冇，坐埋一邊飲水，印象好深刻。”祥仔也大讚嘉欣是他眼見之中最搏命的女演員，在拍攝過程中鮮有用替身，令他非常佩服。