陳卓賢首度譜寫新歌詞曲

人氣組合Mirror成員陳卓賢(Ian)今日推出第四首個人單曲《鯨落》，朝唱作歌手之路邁進。Ian今次更首度譜寫詞曲，實行我手寫我心。

一直都想當唱作歌手的Ian，新歌《鯨落》首度親自作曲填詞。再次走進錄音室，Ian坦言今次演繹更得心應手：“因為係自己寫旋律的，所以未入錄音室已經好熟；自己寫歌詞更加知道當中意思，知道點樣投放感情。所以今次同監製確認好唱邊個Key後，好快就錄好作品。”

Ian透露新歌創作是受到一篇網文所啟發：“有日在網上睇到一篇文章，是關於鯨落呢個生物學現象：鯨魚死亡之後會沉落海底，為海洋貢獻好多養份，魚仔又會食佢。呢個死亡狀態聽落好悲劇，但背後造福好多生物同整個生態。我聽完後好有感覺，所以就用呢個想法寫呢首歌，講述有時犧牲未必係唔開心的一件事。”

不過Ian落筆創作時，又想到鯨魚未必想一出生就困在海洋之中：“就像很多人、很多生物與生俱來都一樣冇得揀，所以若鯨落是鯨魚唯一的出路，那就把它做好。《鯨落》從鯨魚的死亡講到充滿大愛的犧牲，是一次很立體的歌詞創作。”