陳凱琳卅歲牛一全家慶祝

昨日，陳凱琳到一間曲奇店擔任一日星級店長，協助宣傳。她表示剛錄影完最後一集的《日日媽媽聲》，已計劃暫停出鏡，因暑假快到，她想抽多些時間享受親子樂及陪老公鄭嘉穎。

本月二十三日是她的三十歲生日，陳凱琳覺得時間過得好快：“咁快就29+1了，令我想起廿二歲時選港姐的情景，想不到三十歲前已經做埋媽咪。（生日會如何慶祝？）最緊要係一家人齊齊整整，簡簡單單地慶祝就可以，可能去Staycation啦，因為開完生日會後不用執屋，哈哈。（老公鄭嘉穎可會給你驚喜？）我已叫他不用特別準備些甚麼，最重要是了解彼此的需要。”

暑假期間可會找些親子活動和兒子一齊參與？她表示曾與大仔一齊整蛋糕，由他負責落材料，但都整到個廚房好污糟，要花時間去清理。