高而靜連捷愈戰愈勇

榮華煌日低班佼佼者

港馬跑埋周三賽事便抖暑，澳馬跑至八月尾才煞科，今季賽事尚餘十次。近期出馬疏落，不時只得小貓三幾隻，但賽果熱倒冷爆，令人嘩然。上周出馬愈少爆得愈杰，賽果反底唔易中，季尾投注不宜熱捧，尤其大師傅座騎一面倒更不值博。高君濤騎足十場，幾乎熱嗰隻死嗰隻，兩日僅一匹“榮華煌日”得勝，其餘熱門馬皆死在其手上。此子今季頭馬一早甩開對手，季末有大把本錢，現領先對手十W，今屆冠軍似篤定，近期陣上無心攻堅，季尾捧此子還須小心。

談起“榮華煌日”上季多仗無戰功，跑至今季始開竅，近四戰取兩冠一亞，用高君濤主轡人馬夾檔，練者部署此駒贏完再贏，表現進步良多。“榮華煌日”低班佼佼者，五班作賽有利，升上四班應行人止步。

鄒廄上周兩仗除勝出“榮華煌日”外，同廄“高而靜”由蔡義武策騎再下一城，此雙人馬前次爆大冷，贏完再來可添食，表現好到你唔信，獨贏有十七倍，買中者分到笑。“高而靜”前三季由三十九分起步，低班馬一向專注沙地短途搵食，近兩仗轉戰一三五○米，贏來脫胎換骨。“高而靜”服役後共取九捷，由五班贏上二班，乃馬房取分功臣。鄒欽華今季兵馬不多，全倉得十二駒，限米煮限飯，但迄今取十六W排名第九位，成績比上季躍進。除練馬有功夫，出擊用人亦有其手法，今季馬房超額完成任務。季末鄒廄仍積極進取，派遣上陣之駒可拼則拼，馬迷宜留意。