畀足面鄭秀文

黎明破例伴舞Rap歌

前晚，黎明(Leon)“Talk & Sing 2021紅館演唱會”舉行到第二場，他邀得天后鄭秀文 (Sammi) 擔任表演嘉賓，為了答謝Sammi，他更破例伴舞Rap歌。而他的契爺胡楓（修哥）亦前來捧場，在觀眾席上落力為他打氣。

由於鄭秀文平日愛做運動，經常在社交網站曬出滿頭大汗的照片，所以她前晚一出場，Leon就跟她分享“出汗”心得：“Sammi，你做運動Keep Fit好勤力，我見你流好多汗。咁你知唔知我點Keep Fit？（你有Keep過 Fit咩？）有。（係喎，Fit咗喎！）我係用日本風呂式。（即係點？）首先開個Bath。（除唔除衫？）除衫，然後浸落去。（嘩，好有畫面喎！）諗住自己喺日本，聽風呂音樂浸二十分鐘，起身着返件浴袍，房入面開二十八度冷氣，食碗辣麵，坐十五分鐘，成身流晒汗，肯定減咗三至四磅。”

之後，Leon向Sammi請教節食減肥心得，他說：“有啲人減肥，每日只食一粒豆，你有冇試過？”Sammi說：“一粒豆？減肥？呢個唔係減肥法，係減壽法喎！一日一粒豆真係唔掂，起碼食兩粒，早晚各一粒，飽啲！”引來全場爆笑。她再表示：“好多人都以為我不斷減肥，其實我依家做嘅功課唔係減肥，係Keep Fit，最緊要健康，肥和瘦都唔重要。”

之後二人合唱一曲《信者得愛》，Leon不但戴上太陽眼鏡伴舞，更一齊Rap歌，令Sammi超驚喜，大叫：“Leon跳舞呀！”現場觀眾亦喜出望外，全場歡呼，有人更發出尖叫聲。