朱紫嬈推新專輯慶生

朱紫嬈(Khloe)本周三踏入三十六歲生日，她透露因應疫情“限聚令”，要連續三日分批與家人、男朋友、歌手朋友及樂迷一齊慶祝。

朱紫嬈日前舉行新碟發佈會暨生日派對，宣佈新專輯正式面世，並首次獻唱出最新派台歌。Khloe表示入行十年了，好想嘗試不同的曲風。亦花了好長時間到錄音室擴闊自己對電子音樂、EDM、Rap等音樂新領域。為求有音樂創作靈感，她還經常日夜顛倒Jam歌，直至清晨聽到雀仔叫才返屋企。

Khloe透露當日獻唱的新歌是專輯的最終章：“成個概念係想鼓勵大家經過唔同階段、唔同經歷過程，可尋找到自我、面對自己的優點甚至缺點，踏出去成就更好的自己。”為配合現今潮流，Khloe首次以數碼EP專輯形式推出新作，她說：“感覺好新鮮！依家呢個時代真係無咁多人在屋企有CD機、放隻實體CD去播。除非之前推出的高質靚聲HI-FI發燒碟要達到靚聲水平，才一定要出實體碟。今次作新嘗試，朋友都有上網買我專輯的歌。按一個掣就可以送上生活中需要的力量及鼓勵給朋友、當係心靈雞湯的音樂禮物。”