鋼琴戰曲悼義人

二戰期間，一個納粹軍官在華沙戰亂中救出猶太鋼琴家。戰後鋼琴家尚在，納粹軍官則於六十九年前今日，殁於當時蘇聯斯大林格勒勞改營。納粹救猶太，此事昔日直頭匪夷所思，然事實卻記於該軍官日記內。

軍官名歐森菲德，乃熱血青年，當年相信希特勒能領德國走向富強，興奮加入納粹黨。二戰爆發，佢富國夢碎，更見戰火中波蘭人備受殘虐，深感羞愧，乃暗中襄助，並於危難處救下波蘭著名鋼琴家。

好心未必有好報。戰後德哥成戰俘，被關勞改營。鋼琴家得知恩人被囚，多方營救不果，德哥終屈死營中。後憑所遺日記，方知德哥曾救助數十猶太人，使出生天。鋼琴家後人有感德哥義行，要求以色列猶太大屠殺紀念館給予德哥國際義人榮譽，十二年前終得嘗所願。

此真實事件，與《舒特拉的名單》異曲同工，同樣感人。九年前被搬上銀幕，以鋼琴家為主線，取名《鋼琴戰曲》，曾獲奧斯卡最佳男主角、最佳改編劇本獎。

西門公子