新角色只有八歲智商

高海寧演技生猛受讚賞

高海寧(高Ling)與張振朗擔正演出的新劇《童時愛上你》原定在今年三月開拍，之後有傳劇集因劇本問題要煞停，直至昨日終於舉行拜神儀式，出席演員有高Ling、張振朗、陳展鵬、糖妹、吳家樂、楊卓娜及胡楓等。

高Ling與張振朗一起接受訪問，高Ling表示劇本修改後，故事大綱沒改動，但對白修改後更精準、深入及感性，她睇劇本有好幾場戲都被感動到想喊。劇中她的角色因意外失智，智商只得八歲，要演得好開心及跳脫。被問這角色有何難度，高Ling說：“要全日保持情緒高漲，兼要拍好長時間都會覺得攰，但由早到晚保持住八歲心態都好好玩，因少咗好多成年人的包袱及負擔，有更多發揮空間。”

張振朗大讚她演得好又生猛，而且善解人意，沒穿高跟鞋遷就他的高度。不過兩人最難忍笑，他笑說：“如果計忍唔到笑，我哋一定包辦頭一、二位。”他透露劇中與高Ling要假扮夫妻。二人可有親熱戲？振朗笑說：“有冇親熱戲？冇，佢得八歲，我好有道德觀念，反而會克制住，仲好似家長咁成日鬧高Ling，唔會畀佢掂呢樣掂嗰樣。”

拍劇經常要除衫騷肌的振朗，透露新劇都難逃一脫，笑稱已成為新一代脫星：“戲中講我做gym，出露台晾衫都要除一除衫，公司的男藝員除衫多過女藝員，拍攝前只係輕輕操肌，冇之前操得咁厲害，因為拍完《拳王》後都好滿意自己身形，但今次唔想再操肌住，要抖一抖，好驚做gym，見到肌肉都驚。”高Ling笑指他爛船都有三分釘，現時身形好配合角色。