周日金盃兩駒對峙

馬季進入尾聲，昨周二課期晨操如常，收操後尚有一組試閘，今次試完後下次試閘已是新季。本周日跑完，馬季亦告唞暑，下季開鑼定於九月十八日。今季騎練冠軍之爭大局已定，高君濤現以七十三W甩開張志立十七W，周日煞科賽此子縱交白卷亦可穩坐釣魚船。練者錢健明現累計四十七W，比張兆煊多五W，摘冠機會應無懸念，除非張兆煊煞科日可贏五場，否則只能屈居次席，且看有奇跡出現否。

煞科日上演六場草地黃昏馬，是仗重頭戲“澳門金盃”本地一級賽，由十二匹高分馬跑千八米，爭奪季內最後一項大型盃賽。今仗看點落在史偉恩廄“耀昌之星”同劉志森廄“聖靈之都”身上，料兩駒必有激鬥。前駒上季爭打吡埋門輸點數，屈居於“聖靈之都”腳下。賽後有馬迷說，是仗鞍上人騎來未盡發揮，敗得無奈。“耀昌之星”今季草地四捷未逢敵手，上仗千二米挫敗宿敵“聖靈之都”報卻一箭之仇。此仗“耀昌之星”跑來有前有後，還有大把在手。拼後重新打磨，論馬狀態有增無減。此番轉跑千八米路程亦無問題，幕後趁馬有勇態全力出擊，冀煞科日再度捧盃。同場“聖靈之都”上仗千二米飲恨第二，觀其直路走勢追勁頗強，但此程畢竟嫌短，馬匹表現已算好。今次回師千八米首本路不同估計，只要出閘順利，憑後勁可撼對手。總結此場盃賽，應是兩駒對峙局面，賽日可投以連贏一票。