李佳芯否認逼婚致分手

李佳芯(Ali)昨日現身劇集《智能愛人》的宣傳活動，獲大批粉絲到場打氣。對於近日被指遷入大角咀豪宅，Ali表示：“可能有幾次在那裡出入，大家就以為我住那裡。多謝大家關心！我會努力儲錢令到自己同屋企人有更好生活，我都想買樓，但係搵錢真係好辛苦，要睇定先可以，我覺得夠住就可以了。”

久未出席公開活動見粉絲，但Ali透露私下有與粉絲見面，一同與視障、聽障及長者等進行共融活動。問到可會考慮成立基金或慈善團體？她說：“如果我有這種影響力也希望做到，因為可以幫更多人。其實這是粉絲自發的，即使我開工，他們也會組織進行探訪活動。”

Ali日前受訪時坦承因為逼婚不遂而與男友陳炳銓分手，昨日她說：“其實當時係美容代言活動宣傳，冇諗過會變成將感情事擺上雜誌封面，其實唔係我想去講去做的。一向以來，我都唔會講太多感情事，總之唔係因為結婚不成而分手，可能是標題令到事情誇大咗。（分手）唔會因為一個原因，原因我哋自己知。（再拍拖會唔會再主動提出結婚？）呢個年代最重要係覺得有感覺就去做，女仔唔會唔可以求婚。如果有對象，為將來着想，其實邊個提出都冇問題。大家有心行落去，呢個話題點都會討論到，最重要係有共識，幾時達成要講緣份。”