威瀚勇士贏馬補中

今晚五場沙地賽，賽前來料推介二場“金槍勇士”及五場“威瀚勇士”一對邊線馬，啱心水不妨捧場。

“金槍勇士”上季初出殺聲震天，同程拼得第五表現不差。今晚落班形勢有利，可望贏馬交代。“江山錦繡”上季初出即在同程上名，今仗重返短途，重召安萬堯人馬合拍，跟前鬥後可與前駒一Q返來，值得留意。

“威瀚勇士”質新沙地性能特佳，試準再上征途，續由中野省吾策騎，留放得宜可望贏馬補中。“合夥輝煌”上季在同程贏馬開齋，今晚轉交田中正一有心搏殺，落班角逐形勢有助，單Q不妨揀佢。