鎚仔幫“宮”力強

【本報消息】英超韋斯咸作客水晶宮，鎚仔幫今季表現突出，上戰聯賽贏波返勝軌振士氣，今戰作客水晶宮睇好繼續爭勝，衝擊前四。

韋斯咸近況麻麻，近五戰聯賽兩勝一和兩負，上月倫敦打吡輸阿仙奴後跌出前四，目前落後槍手四分排第五，要爭前四非勝不可。韋斯咸人腳牌面較水晶宮好，陣中僅有蘇馬等三名球員因傷避戰，前線安東尼奧、賴斯、保雲、蘇錫等主力悉數在陣，加上後防有門將法比安斯基、當臣及高法爾，陣容相對完整。不過韋斯咸作客表現平平，遇上主場有表現的水晶宮，今戰爭勝仍困難重重。

蘇錫：爭新年首勝

鎚仔幫中場蘇錫冀以勝利展開新一年：“球隊近月發揮不穩，但能夠擊敗屈福特，以勝利結束二一年，這仍是令人非常高興的事，接下來必須延續勝果。每一場三分對我們都是同樣重要，我們對新一年充滿期待，希望能夠以勝利展開新一年，為二二年打響頭炮。”

水晶宮近況不差，前線沙夏、賓迪基掛帥牌面不差，後防古亞達把關，同樣有一定實力。加上近五戰主場錄得三勝一和一負，表現夠突出，今戰主場之利鬥韋斯咸，水晶宮有力繼續搶分。另外，李斯特城主場鬥諾域治一戰，諾域治賽前多名球員確診，未夠人數下申請改期獲批，擇日再戰。