電影處女作唔敢拍親熱戲

湯洛雯演收兵女王

吳千語、湯洛雯、蘇皓兒、馬志威、栢天男、白只及陳欣妍昨日一齊為新片拍海報，在片中演“收兵女王”的湯洛雯，笑言現實中為人專一，演出時好難投入。

黃子桓監製、麥浩邦執導的都市愛情喜劇電影《忽然心動》，將於二月一日賀歲檔期上映。日前一眾演員齊齊拍攝電影海報，包括吳千語、“靚湯”湯洛雯、蘇皓兒、馬志威、栢天男、白只及陳欣妍。

靚湯表示她在戲中飾演護士，馬志威就飾演情場高手，被很多女生追求，她除了負責照顧對方，並要為他擋很多女生。不過，靚湯劇透她在片中也是“收兵女王”：“身邊有十個兵，大家都知大家的存在，因為我的角色要在短時間內覓得真命天子，所以十個兵會一起視像見面。”問到她現實中為人專一，演出時會否好難？靚湯笑說：“梗係啦，我要好努力才能投入囉。”

影片由四個故事貫穿整套電影，其中靚湯會與馬志威飾演一對。首次拍電影的靚湯，笑言因戲中有很好多愛情加動作戲，演起來一點也不輕鬆：“最初以為拍愛情片好輕鬆，唔使太沉重，但原來唔係！戲裡面有好多愛情加動作戲，因為有一場戲講我被求婚，我就嫌棄對方，仲一下將對方撻生魚咁撻落地，所以覺得似動作片多過愛情片。”

與馬志威可有親熱戲？靚湯透露最親密也只是拖手，她說：“唔好拍呢啲戲喇，太親密就唔好啦。（男友唔批准？）唔係呀，依家要講賢良淑德，人越大要越成熟。導演好錫我，冇加好多呢啲戲畀我，想喜劇感重啲。”

蘇皓兒在戲中飾演怕醜、內向及怕愛的千金小姐，因家教好嚴而唔敢跟男仔有接觸，但又想識男仔，所以請了出租男友栢天男幫她打開心扉。栢天男知她好怕跟男仔傾偈，便找來一班男仔圍住她，跟她去唱卡啦OK、睇戲。蘇皓兒笑說：“之後我跟栢天男亦會有攬攬及搭膊戲份，因為呢部戲是老少咸宜的賀歲片。”