陳毅燊體驗陶藝製作

陳毅燊(Ansonbean)日前到陶藝坊作一天的體驗，親手製作了三件陶瓷作品，笑料百出。首次接觸陶藝的Ansonbean相當感興趣，更拿起陶泥當雙節棍揮舞、又拳打陶泥，被取笑“屎波架生多”，笑翻全場。

首次接觸陶藝的Ansonbean跟兩位導師學習手捏與築泥條法技巧，並一口氣製作了三件陶瓷藝術品，更將其中一件大型燈塔製成品命名為“燈火”，用作義賣用途。出名坐唔定的Ansonbean，在搓陶泥時周身郁，今次的陶瓷製作經歷簡直是一大挑戰。他說：“我好少會咁坐定定去做一件事，第一次接觸陶瓷，覺得好有趣，同時可以學習安靜下來，好有藝術感。我發現製作藝術品係每個人獨有的，亦冇分對與錯，陶瓷藝術當中有好多可能性，每件作品都會有自己的性格，不過我性格唔係好似製成品咁崩、咁塌，其實係好跳脫，哈哈。”

其實Ansonbean也有靜態一面，他笑說：“除咗瞓覺，我都會在屋企打坐、冥想。因為我每當緊張時就會郁好多、會坐唔定，打坐之後就會好啲。打坐與做陶都係修行，打坐注重呼吸，陶瓷就注重手感，好有趣。”