溫碧霞重提與珍妹逸事

溫碧霞(Irene)前日接受香港開電視訪問，對於香港面對新一波疫情、政府收緊防疫措施，Irene亦覺得要花時間適應：“我將與朋友聚會的時間提早到中午，或者改為家中聚會亦一樣開心。最重要是大家忍耐一下，才可盡快恢復平常的生活。”

Irene近年大部分時間都在內地工作，難得可以返港和家人團聚。談及李嘉欣早前被緊急送入深切治療部一事，Irene說：“我都有留意到新聞，好擔心啊，希望佢快啲康復。”她分享自己的健康之道：“女人唔可以太瘦，要食返多些有營養的食物。我之前為拍電影減得太犀利，依家肥返少少、成個人無咁乾。我寧願每日做運動keep住磅數。”

Irene監製的半自傳式電影《我們的十八歲》找來當年曾合作《停不了的愛》的李麗珍客串，Irene大爆當年同珍妹曾一齊同居、鬧大交的逸事：“因為我同佢當時都窮，就一齊租樓住囉。但我哋兩個都係超級有性格的人，經常因為小事就嗌交，好似唔鍾意佢啲嘢亂咁擺。不過鬧完交好快就無事啦，諗返起都好笑，大家係好幼稚，因為當時年紀仲細嘛。”