昨日賽事總投注三百一十七萬

中野省吾喜中三元

昨天草地賽事完結。是仗出馬有限，戲碼平淡，六場總投注額三百一十七萬三千元。

頭場六班混戰，鄒欽華廄“滿堂威”由中野省吾押陣，以較佳留放挫敵。此雙人馬上次蠃完再來，今次原程續戰被捧成頂頭大熱，獨贏不足兩倍。騎者出閘快步跟前，待至入直路發力衝刺，埋門輕鬆挫敵，贏來兵不血刄。“滿堂威”人馬打疊取連捷，且愈贏愈易，鄒廄喜添進帳，中野省吾應記一功。

第二場高君濤替馮廄“實業家”贏馬。此駒連季跑沙草地均未能出頭，跑極至叻只得二三名。上次劉永康沙戰敗後易地再來，今次強配高君濤操刀，發揮果然不同。騎者出閘留住四五位，入正直路發力衝刺，埋門前雖受對手閂阻，尤幸終點前可突圍，悉先衝線替馬匹開齋。馮耀正添一W，高君濤居功不少。

第三場中野省吾起孖。此子頭場開餬手風正順，是場替賀蘭杜夫廄“美麗之最”執韁，以留前鬥後戰術取勝。此駒連仗無功，今次用中野再搏，騎者發揮上佳水準替馬匹勝回一仗，跑完獨贏有十四倍，中者好分。賀廄一W進帳。中野一口孖寶收穫甚豐。

第四場劉永康爆冷贏張兆煊廄“明軒一號”。此駒上仗沙地跑梗頸，拼後換人再搏。今次由劉永康主轡，快放至埋門同對手纏鬥，最終以短頸位取勝，爆二十四倍冷W，替馬匹取得今季首場頭馬。

第五場張志立勝出錢廄“奇峰王者”。此駒上次千二米熱倒後重來，今次增程跑千五米備受追捧，成四倍次熱門。騎者不負所托，由頭砌到尾，替馬匹收復上仗失地。張志立、錢健明攜手贏馬。

尾場中野省吾喜中三元。此子騎鄒廄“惠澤社羣”以較佳留放挫敵。此雙人馬上次贏完再來，今次原程出戰臨場近九倍半冷，埋門險勝替鄒欽華廄起孖。中野是日三元進帳，一枝獨秀。