泳兒巡唱片店快閃簽名

泳兒(Vincy)前日推出新碟，當日Vincy親身到旺角多家實體唱片店進行“快閃簽名會”，以答謝歌迷及唱片店的支持。

時隔九年再推出大碟，Vincy表示由於疫情關係而未能舉行實體簽名會，於是她一口氣走勻旺角六家唱片店舉行快閃簽名會，實行以游擊戰術為歌迷製造驚喜。好耐未到過唱片舖的Vincy說：“今日好開心，在出碟的日子，見證親手賣出自己的唱片，覺得呢種感覺好正，好有Busking感覺。希望疫情快點過去，在不久將來有一個正式的簽名會，當然亦希望有演唱會。”Vincy又叮囑歌迷要小心打開隻碟：“呢隻碟係好值得收藏，因為比較難開呀！有時會開到爛，我自己都開爛過兩隻，所以大家可以買一隻聽、一隻收藏，絕對係好抵！”

簽碟期間，Vincy遇上不少前來買唱碟的歌迷，很多更買兩至三張。其中更有一位女士豪氣地買了一箱，令Vincy開心又十分難忘：“簽名時一下簽晒一箱的感覺好治癒，亦好多謝佢！佢話係幫一些舊粉絲買。我都好希望見返舊粉絲，好掛住你哋，希望遲啲有聚會可以見面。”