陳曉東：老婆唔想再生

久未在香港露面的陳曉東，昨日到新城電台接受訪問。將於九月三日踏入四十七歲的他，獲電台送上生日蛋糕為他預祝生日。他表示生日當日將會在工作中度過，願望則是希望將在十月底舉行的演唱會能順利舉行。已返港兩星期的東東，表示已排隊進行兩次核酸檢測，而今次返港的目的，除了因十月底舉行的演唱會外，亦會灌錄粵語歌，他表示：“希望可以做返多啲廣東歌，而家會一首一首咁去做，希望十月廿二日喺西九龍舉行嘅戶外演唱會可以唱畀大家聽。”

已有三年沒有返港的東東，透露因開騷關係，今次會在港逗留至十月底：“有太太陪我，至於兩個囡囡因要開學，所以留喺北京由我媽咪照顧，遲啲媽咪返香港，太太就飛返北京陪佢哋。”他指已有一段時間沒見過兩個囡囡：“之前去三亞做嘢去咗幾個月，有返咗去一次，兩個女都慣嘅，佢哋依家一個八歲一個七歲，係我唔慣，每次見佢哋都大個咗。”會否再生多個？他笑指老婆不太願意：“ 之前返香港畀人影到，話佢似有第三胎之後即刻發奮減肥，收咗身都唔想肥返。”