泳兒十月開唱心情緊張

昨日，泳兒與施匡翹齊出席工作室開幕剪綵活動，現場更播出泳兒新歌《18部半》的MV。

泳兒表示將於十月在九展舉行演唱會，這是她一改暗黑系列形象後首個個唱，因此心情比較緊張。提到早前軒仔在直播期間安慰她，搞到她忍唔住爆喊，她說；“其實我開騷都好大壓力，因為自己想做到最好，軒公佢好窩心，叫我享受演出過程，咁我眼淺就喊咗出嚟喇！最近疫情轉趨嚴重，我都擔心會影響到這個演唱會，加上最近我都患上感冒，所以出來盡量都戴兩個口罩。現在我正趕錄新歌，錄完歌才會閉關為個唱做準備。”

施匡翹受訪時則表示好想搞歌迷聚會，仲預告煮素菜給歌迷品嘗：“我都有信心煮嘅，因為之前喺活動煮過，啲評語都唔錯，所以下廚冇難度！依家成日走訪素菜餐廳，訪問佢哋啲心得，聽聽埋埋，廚藝都應該會有進步嘅。”