夠響至上謀三連冠

澳馬戰火重燃，今午上演五場沙地兼直播七場馬來西亞賽事。本地打頭陣兩點正開跑，外地馬兩點十五分響鑼。騎師陣容續由上仗原班人馬參賽。綜觀大局全日戲碼平淡，但形勢緊湊，中下班馬混戰場合暗藏殺機，賽果熱倒冷爆唔奇。

筆者心水推介，第四場三四班一○五○米，馮耀正廄“夠響至上”可做馬膽。此駒上季尾同程打疊贏兩場，表現進步良多。今季首戰復配張志立爭原程，人馬夾檔，可開新季勝門。

“夠響至上”早熟具潛力，上季在錢廄跑沙地開齋。後轉投馮廄重新操養，沙草地五戰取兩勝三位未甩過三甲，演出準繩。唞暑後復課打磨甚力，晨操多由張志立主理，狀態具作戰水準。今仗操好而來，能跟可鬥出爭首本途程正合發揮。張志立對馬匹性能摸到熟，可謀取跨季三連冠。