力奇神駿操好而臨

近日本地疫情爆發，馬會亦有不少人中招，尤幸各人恢復得快，盡量維持正常工作。馬會在此非常時期亦排除萬難，致使賽事不受影響，連日還可“馬照跑”。今日上演本年度埋尾一戰，祝願馬迷食尾餬迎接新的一年。

是仗各廄出馬實力以林宏基廄最強，共派六駒應戰，計馬匹匹夠惡。基廄今季陸續有馬加盟，旗下現正兵雄將勇，馬房要爭奪今屆冠軍亦本錢充足。今仗基廄兵分多路出擊，愛將余健雄、高君濤齊接“柯打”去馬，睇環境有力數餬。

第一場：四五班千五米。“力奇神駿”最近轉投基廄後重新操養，經悉心打磨，近期狀態已具作戰水準。“力奇神駿”質新未盡，今番操好而臨，馬房決心謀交代。有幸抽到一檔形勢大好，余健雄主轡發揮水準，不勝亦應有位。

第三場：二三班千五米。“盛通寶寶”上仗出閘快放，全程彈甩對手，入直路走勢強勁，更贏至無得頂，令人憧憬。此駒質新具潛力，全熟後料評分還有上升空間。拼後加強磨練，今番原配高君濤操刀戰鬥力強勁，憑路合檔佳，可再下一城。

第五場：二三班一○五○米。“盛通快馬”上仗拼得第二，走勢仍佳。上季沙地起家，今季三戰未贏，但表現腳步漸近。此駒質新未盡，跟得鬥得，計馬現居班次應不吃虧，今次轉由徐錦輝主轡，憑負磅輕飄飄，隨時可一網打盡。