李幸倪宣佈加盟英皇

李幸倪(Gin Lee)去年離開環球唱片，一直盛傳過檔英皇娛樂。昨日Gin Lee正式宣佈加盟英皇，並透露把馬來西亞的家人也接到港居住，令她全心投入工作。Gin Lee說接觸過幾間不同公司，新公司（英皇）誠意十足，同時亦跟她的理念一致，大家有共識未來嘅方向。她謂自由度高亦是簽約原因之一，“新公司畀好大好大嘅自由度我，特別係音樂、形象上，完全係100%信任我！令我覺得好舒服。另外，亦可以同好多唔同音樂單位合作，好有新衝擊。”

為全程投入音樂事業，Gin將家人從馬來西亞接到香港居住：“以往喺香港工作，都會擔心喺馬來西亞嘅屋企人生活成點，雖然會打電話、facetime，但始終自己唔喺佢哋身邊，都有擔心。而家接咗佢哋嚟香港住，咁我就可以投放晒精神喺事業上，所以今次都係一個好大嘅決定。”提到“轉會費”，Gin直言滿意，“當然唔係單單因為酬勞，係所有配套，係一個整體嘅package。”