富田威冀本利歸還

澳馬今日上演四草一沙混合賽兼轉播八場馬來西亞賽事，是仗草地移欄八米角逐。外地馬一點四十五分開跑，本地馬兩點正響鑼。騎師張志立、徐錦輝、蔡義武及牌仔梁曉傳停賽。綜觀大局，全日出馬不多但編排緊湊，各場可取重心馬膽不多，混戰局面暗藏殺機，賽果熱倒冷爆唔奇。

筆者心水推介，第二場六班千二米，蔡鎮威廄“富田威”可做馬膽。此駒上仗跑同程漏閘死火，兩倍大熱輸得人多。敗後易配高君濤操刀，此子出閘一向夠快，今番路合人強，冀本利歸還。

“富田威”居六班足夠實力周旋，跑同程最佳出路，迄取三冠一亞有績支持，上仗意外落敗不足為據。小休兩月再上征途，賽前操練無放鬆。今仗強配高君濤主轡，此子賽前連番摸過才揀騎。遇上同組對手太弱，形勢大好，倘出閘順利，縱不勝亦應有位。