阿佘擇偶寧缺勿濫

“我都有拍拖口架……”佘詩曼新年面對人生兩大喜事：“金榜掛名時”、“十拿九穩”，會否突然“洞房花燭夜”呢？“有拍拖口架，大家唔知啫，未成氣候就無謂講啦，最終未有開花結果……。”

忙於事業，感情遲遲未有着落，“早十年八載，阿媽都有問我，‘你到底會唔會結婚嘅呢？唔細口架喇’……。”佘詩曼笑說，“我每次都對阿媽講：急乜嘢啫？咁，都要我搵到鍾意先得口架！近年，阿媽沒有催婚了。”“我不會為了人有我有，為結婚而結婚。”阿佘對感情事，有自己執着——最緊要呢個男人我好鍾意，起碼我要睇到對方有將來，在人生道路上，一齊能行到落去。阿佘自言，“‘佘詩曼’，其實已經好透明，我想留返少少私隱畀自己。現在，我冇拍拖，眞係結婚時，都冇得唔同大家講啦。”

母親和姐妹團“七魔女”，可有做媒人介紹？“她們都知道，我不喜歡刻意，相睇？冇呀，嚇鬼死人咩？點會去相睇！”提到“七魔女”，湯盈盈、梁靖琪、文頌嫻、姚樂怡、鍾麗琪、周家蔚六美都做了阿媽……。阿佘享受做契媽多過做阿媽：“佢哋眞係好可愛，我有十幾個契仔女。有個契女就快到外國讀大學啦，最細契仔兩歲……（是否有母性大發？）早幾年都OK，現在唔好啦。”

《萬千星輝頒奬》迫在眉睫，今屆視后，佘詩曼似是衆望所歸……倘若掄元，無線便誕生第一個“三屆視后”了。“大家都有問，隨緣啦，有咪有囉，冇咪冇囉。”佘詩曼自認已經贏咗：“最開心的，出街時個個叫我Man姐。”查實，阿佘是TVB的攞奬專業戶，先後捧了十一個奬項，亦是兩屆視后，與鄧萃雯平手。

網民推算，阿佘好大機會成為首位三屆視后，阿佘自言，“心態不同了，好勝！我曾經都有。當你從未得過，當然好想要。當你參賽其中，就好似奧運，個個都衝住個金牌。但，我現在已不是參賽者，只係路過。無可否認，當你得到過，的確沒有第一次想得到的渴望。咁，你話我完全唔要，又必須保持體育精神，（再攞就有三個金牌）到時至算啦！”

“出街好多人都話，《新聞女王》好似講緊我公司，都可能有個Man姐、曉薇，覺得係社會縮影……同無線山頭文化似唔似？我唔知高層係點”，阿佘機靈，“我又唔係高層。”

高梁