湯洛雯唔急龍年生B

昨日，湯洛雯亮相商場新春活動，她拿揮春拍照時，工作人員遞上“連生貴子”揮春，靚湯蓮子容口面開心大笑。提到她好旺夫，一結婚馬明就在無線台慶頒獎禮上獲“大馬視帝” 大獎，靚湯不敢居功：“其他三位老婆陳茵媺、黃翠如和單文柔都好旺夫，不過我老公拿奬時我去了換衫，回來大家就說他多謝我，回看返好sweet，好替他開心，因為去年他冇停過拍劇，付出了好多，有收穫是開心的！”但馬明拿不到無線視帝，靚湯說：“輪流攞吖嘛！陳豪都值得攞，他們表現好好，其實入圍五位我都支持，下次應該到阿蕭（蕭正楠）。”

她又笑言前晚幾位人妻負責頒獎，聚在一起時並沒有談御夫之術，反而有好奇她何時生小朋友，還提醒她生了就沒有了私人時間，冇得去旅行。成為馬太之後首次出席公開活動，靚湯獲祝福連生貴子，她笑說：“都幾驚喜又開心，會隨緣，這是上天給的禮物。”她說先享受二人世界，不會特別趕龍年生小朋友，想心理和身體都準備好才生。她說跟老公馬國明都開始調理身體：“因為女仔的卵子好重要，我好多朋友生完小朋友後剩返啲葉酸都送畀我食，老公都有食，他一直有睇營養師，有食男性健康補充品。”