阿佘攬何依婷破不和傳聞

佘詩曼憑《新聞女王》在早前的無線台慶頒獎禮上成為三料視后，鋒頭一時無兩。但有指她當晩在頒獎禮台上與該劇演員逐一擁抱，但卻未有抱何依婷，於是傳出二人不和的傳聞。

對此，阿佘前日於社交平台曬出與何依婷攬到實的合照，疑似澄清不和傳聞。

阿佘更留言道︰“碌吓碌吓個photo album見到呢幾張相，想講吓呢個妹妹仔何依婷。第一日《新聞女王》圍讀，畀我嘅印象唔係好出聲，但係有主見嘅，跟住到第一日開工手揗腳震但係好畀心機。忍唔住話畀佢聽應該點做，連續開咗兩日後佢同我講：‘哦……原來演戲係咁嘅。”果然係學霸，好聰明。依家出嚟嘅成績，大家有目共睹，唔錯吖﹗我曾經都係新人，新人係需要大家嘅包容同埋慢慢接受，大家一齊畀啲時間佢啦！我期待你嘅蛻變，唔好令Man姐失望，加油！P.S.每次都要樹熊式抱抱，真係肉緊死人喇！”

何依婷亦回應︰“Man姐，好開心可以同你一齊拍劇，雖然一開始真係好緊張，手揗腳震，但喺你身上真係學到好多﹗你是最最最最最好的！我會加油努力，好好記住你教我嘅嘢，唔會令你失望！愛你﹗”