Twins訴心聲搞喊歌迷

“TWINS SPIRIT演唱會”剛完成第三場，阿Sa（蔡卓妍）與阿嬌（鍾欣潼）昨日終於可以休息一天，到廿五號再展開接下來的十一場演出。

前晚舉行的第三場，Twins不單搞“笑”觀眾，亦同時搞“喊”歌迷，在唱《相愛22年》前二人互訴心聲，阿Sa對阿嬌說：“親愛嘅鍾欣潼女士，哈哈……多謝你廿二年來成為我的拍檔！我人生最大成就，就係同你成為組合！呢個江山係我哋打返嚟！而無論開心或低潮你都對我不離不棄，陪住我，出面好多人覺得我好醒，其實唔係㗎，我內裡唔係一個非常自信嘅人，好多時你同我一齊，我多咗好多力量，多謝你呀阿嬌。”而阿嬌則回話：“認識你二十二年，我真係冇諗過我哋可以走咁遠，開始個陣，出面好多質疑嘅聲音，話我哋好快就冇㗎啦咁，但係我哋喺逆境更齊心，更同心對抗出面，多謝你冇放棄我，我亦冇放棄自己。”現場歌迷即時感動得大叫：“你哋要加油！”而阿Sa亦被感動說：“你係我認識嘅人裡面，個樣最柔弱，內心最堅強嘅人，好多謝你冇放棄自己。”繼而兩人相擁抱。不少歌迷聽完他們對話，都眼濕濕被感動下淚。