陳美齡開心孫女未足歲學行

前日，陳美齡(Agnes)出席首屆全港中小學生寫作比賽《我為甚麼喜歡這一本書》記招。已做了嫲嫲的她開心透露，前日收到兒子傳來孫女的短片：“孫女今個月卅一號生日，佢未夠一歲已開始學行路，牙牙學語，佢好肥又大隻，好鍾意笑，好可愛，（叫新抱再生？）我唔敢催，怕佢哋有壓力，不過孫女好鍾意我抱，因為我會同佢玩，又成日唱歌，可能我把聲夠卡通，我買咗好多裙仔畀佢，都好期待見到孫女。”她又指大仔一家在美國加州居住，下次再見到孫女就要等到五月，到時她出錢請大家去夏威夷旅行。

身為活動發起人兼評審的Agnes，捐出三萬元現金獎予最踴躍參與的學校，Agnes的胞姐陳曦齡、著名填詞人鄭國江、賈思樂及連炎輝亦有到場支持。Agnes說今次舉辦比賽的目的，旨在培養校園閱讀及寫作風氣。她笑言不鼓勵家長代小朋友寫作，因會令小朋友錯失了鍛煉自己的機會。而他們不是要小朋友寫得好及寫得靚，最重要是能夠寫出他們對本書的感受。Agnes說當年生完BB回家，就讓兒子睇繪本，培養了他們睇書的習慣，不抗拒文字，她說：“三個仔細個睇英文、日文書，自己就教佢哋中文。”農曆新年將至，Agnes下月四號返日本工作，因十號有活動要出席，至於幾個兒子因各有工作，未能回日本。