與劉嘉玲合演舞台劇

黃子華台上真懟酒

前晚，由黃子華與劉嘉玲首度合作主演之舞台劇《香港式離婚》，在演藝學院公演，五十八場門票早已火速爆滿。首場演出吸引不少圈中藝人前來捧場，包括袁詠儀、霍啟剛與太太郭晶晶、金燕玲、蘇施黃、林夏薇、蔡思貝、蔡一智夫婦、周汶錡、上山詩鈉、丁子高、古巨基、張繼聰與太太、孫慧雪及專誠到港的王大陸等。各方祝賀花籃也放滿場外，包括劉德華、許冠文、張學友、郭富城、楊受成、鄭裕玲、鍾楚紅、Tony（梁朝偉）所送。

首場演出相當順利，只稍有點超時，演畢兩位主角連同其他演員及編劇黃詠詩和導演陳淑儀再到台前謝幕。子華搞笑說：“今晚嘅觀眾唔好彩喇，因為唔到凌晨一點半都唔走得！”子華準備分享演出感受時，全場觀眾已即時鼓掌。掌聲過後子華笑說：“我哋做舞台劇呢，好少做做吓一場有人咁樣拍手掌法，有點大戲feel，呢啲係有文化嘅觀眾先做到，唔容易架，要識得邊一場去拍掌。好喇，講完好說話就開始啦，超時又要使錢！”台下觀眾為之鼓掌大笑。

子華說今次有兩件事做得好成功，第一是自己從來甚少做推銷員，但“Sell”到劉嘉玲來演出，另一樣是不用嘉玲戒酒，因為台上都有得飲：“我手上嘅係真酒，頭先就係飲呢支，你唔使緊張，出面有得賣。你明唔明白，你哋今日睇咗《香港式離婚》，但《香港式離婚》真正嘅味道係點架呢？我做完推銷員啦，多謝大家！”嘉玲開心大笑：“你真係sell得好成功，我連彩排時都有得飲酒，哈哈！”

子華答謝觀眾，特別見到今晚有不少是劉嘉玲的朋友。嘉玲笑說：“差唔多前面十行都係我啲朋友。”子華又硬銷：“如果係朋友但冇買過嘢就唔係朋友啦！”又引得全場大笑。監製王耀祖緊張首場已經要超時罰錢，嘉玲笑答他不是有大會贊助商去支付嗎？王耀祖即叫嘉玲大聲多講一次，嘉玲只掩嘴偷笑。