坤哥驚與娥姐傳緋聞

商天娥 （娥姐）與吳業坤（坤哥）昨日出席節目《娛樂大家十點半》的錄影，合照時坤哥以“紳士手”放在娥姐腰間位置，不敢搭膊頭影相，表現頗為拘謹。坤哥說：“因疫情嚴峻，要減少身體接觸，惟有同娥姐‘神交’。娥姐好注重衛生，我都驚死，會戴口罩同勤洗手。”娥姐指有些人說話時囗水花噴很多，她會企遠些或者會用手巾遮口鼻，但她說：“不過坤哥冇噴口水習慣，因他唔多說話。”

娥姐透露在新劇《BB大晒》與飾演兒子的馬國明有床戲，但與另一個兒子坤哥暫時沒有床戲，坤哥即裝出一臉失落說：“有啲失望，仲想同你學吓演技，但我唔想有新緋聞。”娥姐就說：“唔係嘛，我結咗婚，好彩今日冇帶我先生來。佢 （坤哥）有幽默感，腦袋成日盤旋講啲乜。之前開鏡時佢叫我做天娥，我屋企人都未試過咁叫我。”