馮允謙拍MV對住空氣演戲

歌手馮允謙(Jay)年初推出新碟後大獲好評，近期“限聚令”下，Jay閉關埋頭苦幹寫下新歌《開始倒數》，拍攝M時對住空氣做戲，大考演技。Jay更自揭以往追女仔每多失敗的瘀事。

近日因為疫情而閉關多日、埋首作歌的Jay，終於完成新作。他興奮地說：“因為一月時推出新碟反應好好，所以公司都催我快些開始新計劃。呢首歌對我來講好特別，因為係我生日當日和大家一齊聽Demo，然後揀了作為我今年第一首製作的歌，所以對自己來講好有意義。”

在拍攝MV時，因為要呈現世界末日前的景象，所以Jay會穿梭於半空、沙漠、冰川、太空。但其實從頭到尾都是他一個人對住綠色佈景和空氣演戲，對他來說是一大演技考驗。他解釋說：“上一張唱片的幾首歌因為係圍繞感情故事，所以都有女主角配合演出。但今次因為要穿越時空，用上好多動畫，所以要飛來飛去，大部分時間要同幻想空間做戲。不過我一樣搏到盡，唱歌同彈結他都當真正上台表演咁，真係唱到成身汗。”

一直努力追求夢想的Jay，也藉新歌鼓勵年輕人不要平平淡淡過日子，應該努力做些甚麼讓自己活得更精彩：“假如是世界末日前七日，剩下的日子要更加珍惜，你會有坐言起行的衝勁嗎？”