雷有輝與林德信互笠高帽

雷有輝與林德信(Alex)日前分別接受香港開電視訪問，兩人在錄影廠碰面時雞啄唔斷，大談昔日淵源。雷有輝笑指要由幾十年前講起：“以前在錄音室見佢唔太高，跟住爸爸錄歌，搞搞震！後期佢入行做歌手，唱片公司老闆叫我教佢唱歌。其實唔使我教啦，係我跟佢學瑜珈就真！”

雷有輝說未敢高攀收Alex做徒弟，更笑指兩人未合作過，所以好想邀請對方同台演出。兩人更即席合唱《拼命三郎》。雷有輝說：“今日唱係未夠喉，但我在十二月可能有個演出，好想搵Alex幫手做嘉賓，但係怕佢騷錢太貴，我請唔起佢咋。”

林德信就話成日聽到雷有輝的歌聲，更經常隔空合唱：“我以前出席活動時成日被要求唱《分分鐘需要你》、《敢愛敢恨》，台上雖然冇歌手把聲，但聽得出底聲其實係輝哥。所以我一入行就同佢合唱啦，一定要搵一次同台合唱過吓癮！”