今年演唱會兩度延期

Mirror推新歌拍MV

男子組合Mirror推出今年首支派台歌迎夏日，十二位成員早前在經理人花姐率領下，拍攝了多個版本的新歌MV。拍攝當日，適逢Ian牛一，眾人在拍攝現場為壽星仔慶生。

相隔七個月，人氣男子組合Mirror終於推出今年首支派台作品，迎接今個炎夏。早前十二位成員包括Lokman、Anson Kong、姜濤、Ian、Anson Lo、Edan、Stanley、Jeremy、Jer、Alton、Tiger及Frankie一起參與了MV拍攝工作。

今次新歌《Ignited》曲風有別以往作品，編曲走Funky路線。隊長Lokman介紹新歌時表示：“就好似歌名一樣，給人十分熱辣辣的感覺，曲風與以前好唔同，感覺較Funky。因為想有些新花款，所以搞搞新意思，給大家有唔同感覺。”

身為經理人的花姐，今次重操故業，繼Jer《水刑物語》後，再次為Mirror擔任MV導演。拍攝上亦為組合帶來全新概念，以全方位角度拍攝。不過，拍攝當日剛開始便發生小意外，見證人Stanley說：“我哋首次採用三百六十度角舞台拍攝，好有型，我好彩係第一個拍。但好不幸地，當我好有型咁望咗鏡頭一眼，鏡頭轉眼就壞咗。之後攝影師要人手捉住個鏡頭轉動，才可以繼續拍攝落去。”

新歌除了Funky版本，其實另外亦有一個混音版，拍攝MV當日，Mirror需要拍攝跳舞版Video。拍攝前，Edan坦言這是一次體能上的大挑戰：“Funky版有趣味多啲，對於姜濤、Anson Lo等擺有型甫士就困難啲。Remix版感覺K-pop多一些，我哋亦有拍一個跳舞版，要一鏡過。上次連跳廿幾卅次，真係崩潰！希望今次可以快手一些。”一眾隊員亦不負所望，最終連拍六個鏡頭，花姐便已收貨。

拍攝MV當日，剛好是Ian生日，工作人員早已偷偷為他準備生日蛋糕，在拍攝中途更與Mirror各人突襲送上驚喜。Ian發現後，展露天然呆表情，十分趣怪。被問到生日願望，Ian誠心祝願道：“最緊要世界和平，疫情之下，亦希望人人有工開，不過就要早收工啦！”

Mirror今年馬不停蹄，早前已落實舉行個唱，但由於疫情關係，演唱會需要再度延期。Alton解釋道：“演唱會因為受種種因素要再延期，但Mirror希望可以把握延期機會，製作更多好作品，可以在演唱會做出更有Mirror特色的演出讓大家睇，希望大家拭目以待。”