馬明一喜化千愁

“馬湯戀”大公開，第一個“好唔開心”的唐詩詠大發嬌嗔：“點解第一個知道的唔係我？”這位馬明誼妹疑似澄清與馬明“根本無戀情” ，跟住“抽水”：“我要佢請食飯、飲靚湯。”馬明對唐詩詠的糾纏迂迴回應：“我喜歡湯洛雯性格簡單，食一碗魚蛋粉已經很開心。”人夾人緣，有人喜歡“杯茶”，有人喜歡“碗粉”。

唐詩詠只係契妹，捧住碗粉唔識飲湯了。為了表示大家都是密友，大可排衆而出：“馬明與靚湯拍拖我最清楚，好多時我哋三人行，佢唔講我唔爆，尊重好友私隱。我好八卦，大半年來忍得好辛苦。”反正製造新聞，就做義氣仔女！竟然講“唔知”，好瘀！“好唔開心！”干卿底事！

“馬湯戀”牽連的靚女：黃心穎！情人將要結婚了，新娘不是！我仍送上祝福。靚湯聞報，認眞回謝，並說：“自從她去年到了美國之後，都冇乜聯絡。（心穎無論工作、男人都被你全部接受，驚唔驚被人講閒話？）其實係緣份，我哋兩個都冇咁諗過。（見到心穎會尷尬？）暫時未諗。”

上天對馬國明特別眷顧——前度黃心穎的事業與愛郎，本來相當美滿的；被一位靚湯全盤接收，投回馬國明懷抱，不但有福依然在，而且加碼。

提到舊愛黃心穎，“希望佢冇事，”馬國明大方送上祝福：“成件事過咗咁耐，大家都要向前看。（原諒佢？）從來冇嬲，心穎都冇嬲。事件發生後，好快大家都冇嬲，無謂摷返出來講啦。”

許志安出席電視台音樂節目，復出試水溫，指太太叮囑他要眞誠面對群衆，又表示與黃心穎已沒有聯絡。

一喜化千愁，馬明聲言：“希望安仔復出可以有個新開始，心穎都有個新開始。我唔知佢現在點，希望佢都搵到另一半，事業上做返好啲。”

（馬湯飛躍式緋聞 · 二之二）

高 梁