昨黃昏賽總投注逾三百六十五萬

輝適兩廄何華麟起孖

昨天黃昏馬完結。是仗天公作美，賽事在陽光普照下進行。六場賽事總投注三百六十五萬五千元。

頭場十二駒角逐跑出熱頭冷腳。何華麟騎輝廄“妙算威龍”，以輕鬆姿態挫敗二十六倍冷馬“國金之星”，替馬房勝回一仗。此雙人馬前次贏後頭馬被告甩，令投注者見財化水。上次再戰無功而回。今仗捲土重來備受追捧，獨贏只得三倍餘可見幕後信心十足。騎者全程謹慎從事，埋門發力衝刺將對手一網成擒。“妙算威龍”贏馬補中，何華麟、李家輝攜手建功。

第二場何華麟、李家輝攜手起孖。此雙騎、練於頭場率先開餬後乘勝追擊，是場 “柏檔明駿”挾新勝餘威再來。今次原配何華麟加負七磅出戰，出閘跟貼對手，入直路後上殺敗快馬“志仔鮮生”，人馬再下一城。“柏檔明駿”季內表現成熟勇進，跑千二米最拿手，已成馬房重要取分功臣。

第三場恩利克贏馬。此子騎適廄“愛神之駒”埋門如飛殺上，輕鬆挫敗“喜威”並打破何華麟三元美夢。“愛神之駒”上次恩利克接手出擊，跑第二未竟全功。今次原裝配搭重來，憑一條直路退敵，替馬匹收復前失。王君適喜添一W，恩利克居功。

第四場移師沙地角逐，七駒跑一五一○米。安萬堯騎馮廄“搵到剩到”，埋門影相險勝何華麟“峰飛騰”，替馬匹勝回一仗。此雙人馬連仗出擊未能取勝。今次原裝配搭再拼，安萬堯打醒十二分精神，埋門發揮強勁衝刺擒敵，並粉碎“峰飛騰”爭取季內五捷美夢。馮耀正添頭馬，騎者應記一功。

第五場余健雄贏大熱門“東方盈悅”。此匹適廄馬上次跑第二飲恨而回。今次捲土重來續由余健雄主轡，出閘應聲彈出，全程快放直帶到尾，贏來予取予攜。跑完獨贏得十四蚊，買中者得啖笑。王君適是仗中兩元，余健雄一W進帳。

尾場牌仔爆大冷。張志立騎錢廄“珍糯米糍”出閘快步搶先，全程自造步速一口氣帶返終點，贏至對手離行離列，爆三十倍大冷W。此駒沉寂多時無建樹，上次短途落敗而回，今次增程再戰爆個不亦樂乎。張志立、錢健明攜手食尾餬。