陳豪重視肌膚之親

我要屋企充滿愛！陳豪自爆與陳茵媺“好注重攬攬錫錫，表現跟對方的愛。而且，經常在孩子面前這樣做，就係想啲細路學識咩叫愛。”

夫妻恩情，還要保持愛情。陳豪講出“七年不癢”的原因。早前，網貼夫妻中環拍拖的甜蜜照片，Aimee（陳茵媺）邊行邊吃雪糕，阿Mo甜絲絲望着她，頗有初戀Feel。“因為，Aimee平日要照顧三個小朋友，太辛苦了。所以，我得閒就盡丈夫責任，陪佢出街。”阿Mo笑說，“拍拖Shopping，做少少嘢令到佢開心，哈哈。”

父母感情愈好，家裡面愈開心，細路仔的性格愈光亮。夫妻要Keep住愛情感覺，阿Mo有心得，“我同Aimee有個承諾，每年必須有一次二人世界的旅行，將我哋嘅愛維繫住，讓屋企充滿愛。”阿Mo湊仔時間不多，三個子女依然好黐佢。“小朋友黐我哋，因為我哋好黐佢哋，大家都想黐先會同你做朋友，呢啲就係愛。我哋byebye前錫錫，肢體上多些接觸，佢哋喜歡走來坐大髀，呢種肌膚之親都幾緊要。”

阿Mo在《殺手》中不時媾女，“拍之前有話佢知，Aimee都好明白，都係演員。佢演情慾戲，我都會支持，叫佢放心去做，不要有顧忌。不過，老婆同人親熱，我梗係唔睇啦。”

三個小朋友太細，暫時未睇過阿Mo的作品，“我開工有時會特登拍些片畀佢哋睇，佢哋睇得好開心。囡囡成日話要跟我去片場，但仲未實現佢呢個夢想……”阿Mo承認，囡囡最有可能入娛樂圈——

談到迷你版Aimee的囡囡，阿Mo笑言：“佢眞係超級貪靚，天生口架。”阿Mo談他前世情人，“囡囡看到媽咪化妝、整頭髮、搽唇膏、整指甲，特別鍾意。咁細個自己揀衫出街；我調返轉頭問佢意見，佢又答到我，Taste都唔錯口架。（會步父母後塵入行？）女大女世界，我哋做父母，會好好準備佢哋將來。起碼好好讀書，有個好基礎，到時做咩自己選擇，將來由佢哋去闖，做甚麼父母都會支持。”

高 梁