夢想家可睇高一線

上周大戰過後回歸平淡，今晚跑六場沙地兼直播八場南非馬。練者馮耀正季尾攻勢不斷，每個月都有頭馬見面，上仗勝出“滿貫精彩”迄累計四十二W，龍虎榜上遙遙領先。今仗續派精品出擊，戰駒配強擺明搏殺，值得看重。

馮耀正今季一直領先，每月都有馬贏，最差一月份亦有一W進帳，未試過交白卷，可見馬房鬥志堅。由此反映，練者今季要決心爭冠。馮廄是仗七駒應戰，論馬實力不弱，倘贏多一至兩W，頭馬再甩開對手，盟主寶座便穩坐釣魚船，馬迷可吼實此廄動態。

第二場：三四班一五一○米。“軍事潮人”季初馬雅贏後久無進帳，連敗八場評分已減。今於此組負輕磅應有得揮。此駒沙地特佳，同程唯一出路。拚後重新打磨，今番扳上黎昌全操刀，論配搭新鮮，騎者上仗贏打吡手風正順，憑氣勢出擊，可替馬匹爭取出頭。

第三場：一二班一三五○米。“夢想家”上仗短途無功，路程不合，敗難作據。拚後小休重來，賽前打磨甚力，回配高君濤主轡，復爭此程不同估計。“夢想家”跟得鬥得，高君濤騎來尤合拍，欣逢班宜，可睇高一線。

第四場：二三班一○五○米。“暴風女神”季內贏後沉寂多時，近期連敗減分。今次毅然用高君濤操刀，可謂來者不善。拚後復課加工打磨，論馬狀態有增。此番強配出擊，憑騎者跑沙地功夫，倘出閘搶放順利，有權一網打盡。