關智斌拍MV浴缸自摸面紅

日前關智斌(Kenny)作客TVB娛樂新聞台節目《StarTalk》，大談重拾歌手身份推出新歌《乾爹》的感受。Kenny説：“今次得到Dear Jane嘅Howie寫歌，佢個Demo把聲好滋性，唔知關唔關嗰排睇緊《愛的迫降》事，一聽隻歌已經有韓劇Feel，好有畫面。Dear Jane另一成員Tim幫手做監製，喺佢嘅帶領下用咗新嘅唱腔，減少咗啲氣聲。人愈大覺得唱歌係用感情表達，而且我又唔係啲技巧型歌手，今次想用情感去打動人，唔再以聲音嘅Quality為主。”

提到MV題材大膽，Kenny說：“導演問我有冇底線，其實畀條褲我着都已OK，不過我好驚啲人以為我為咗祼露而祼露，但今次MV真係有咁嘅需要，講都市人好寂寞，玩App識人嘅即食感情。當中有一場喺浴缸自己摸自己嘅戲，拍嘅時候唔覺大膽，因為投入咗個角色，但睇返之後自己都嘩一聲，原來意識咁大膽，依家講返面都紅晒，但呢一場戲最終冇放入MV內，只係放咗上網當宣傳。”