黃淑蔓當假期歌手唔困難

黃淑蔓(Feanna) 日前接受TVB娛樂新聞台節目專訪，大談推出新歌及成為“假期歌手”的感受。

Feanna表示要兼顧讀書同當歌手並不太困難，“其實以前讀中學時已經習慣同時兼顧讀書、做歌手呢個模式，只不過依家我在英國讀書時就做全職學生，放假才返港錄歌。雖然出歌變相慢咗，但我唔心急。其實我從來未諗過唔讀書，而且唔想咁快完全成為大人，因為我知讀書開心，工作會辛苦。”

首次與監製舒文合作，Feanna說：“我的廣東話咬字超級差，好多懶音，所以呢首歌錄咗好耐。錄音時就好似上廣東話課程，逐隻字執，仲教我人生哲理堂、音樂歷史堂同唱歌技巧堂，所以同舒文合作真係得着多，賺咗好多。”

對於新歌MV未有男主角，Feanna說：“我有向公司提過要靚仔男主角，但佢哋唔畀。我本身想搵一個學生、同我差唔多年紀，拍曖昧同熱戀戲份。（妳直頭似想搵個男朋友拍拖？）哈哈！唔好亂講！其實依家太忙，又要唱歌又要顧學業，仲要學好日文同剪片，邊有時間拍拖。”