陳凱琳分享湊B點滴

已是兩子之母的陳凱琳(Grace)，近日在社交頻道分享湊B點滴。她透露佗兩個囝囝時都有嘔吐、腳抽筋和胃部不適：“全程嘔，好唔舒服！所以當有人問我會否再生第三個？我好抗拒，唔想再經歷。”

Grace懷第二胎到六個月始公開，她解釋：“一旦公開，大家會開始觀察我日常舉止、有冇曳，但我不停食唔應該食的東西，所以拖遲公開比較好。因佗B是越佗越熱的，有時想飲凍珍珠奶茶，畀人影到會有壓力。”她亦自爆誕下細仔後，曾因泵奶搞到頭痛，幸得老公鄭嘉穎鼓勵下，壓力才得以紓緩；她大讚老公為人父後，說話表情和態度也不一樣，變成“暖男”。

目前正專心照顧兩個囝囝的Grace，表示暫時無意復出拍劇。她謂：“生完第一個時，仲好有衝勁要出來工作、拼搏拍戲；生完第二個已覺得無可能，實在太忙！也不想因為一已私心而忽略了他們，有時出來工作半日，嗰心已經囉囉攣，所以現在不可以拍劇。”