金槍霸要贏畀你睇

昨周二為主課期，晨操後尚有三組馬試閘。各廄戰駒悉力打磨，為不日出戰做定功夫。今季開鑼跑過三仗，華人騎師及馬房較進取，目前龍虎榜前列分子俱屬華將及華倉。洋騎練仍有多人未贏馬，表現有所不及。余健雄上賽三元進帳，成績一枝獨秀，現以四W居榜首。其好拍檔謝貴全亦憑“健而快”鮑羅素主轡勝出，騎練打開今季勝門。貴廄季初積極進取，惜開鑼兩仗未竟全功。上賽開齋後已無心理壓力，料日後頭馬陸續有來。謝貴全從練多年對馬圈環境熟悉，部署出擊有其手法。上賽“健而快”新季落班即勝，練者於賽前做了不少工夫，鮑羅素賽前試閘測準一擊即中。由此反映，謝貴全除部署出擊有辦法，用人亦得宜。此雙騎練季內合作宜另眼相看。余健雄亦為謝貴全愛將，上季替馬房立下戰功，當中“金槍霸”共取五W，人馬合作天衣無縫。周六“金槍霸”重上征途，報跑一○五○米，此匹路程專家，新季首戰擺明要搏殺，值得吼緊。

“金槍霸”上季煞科賽跑草地千二米，全程搶放，埋門無以為繼，落敗只因途程不理想。休後復課打磨甚力，賽前由余健雄親自試閘。今番操好始來搏殺，看練者部署手法，同上賽贏馬“健而快”如出一轍。“金槍霸”質新未盡，四歲馬勇熟有加，現居一班跑短途絕不吃虧。欣逢馬快路合，形勢比人強。余健雄、謝貴全合作無間，今仗“金槍霸”要贏畀你睇。