許靖韻拍MV自彈自唱

許靖韻(Angela) 昨日推出新1歌《謝謝對不起》，對於歌曲描述的失戀階段，她坦言很有共鳴:“雖然係好可惜，但時機不對、太遲挽留，亦冇轉彎餘地。謝謝對不起，係有啲諷刺。”

MV於一間小木屋內拍攝，故事由情侶間日常的甜蜜互動開始到發現男生另有別人、大鬧分手後回憶過去的畫面，都於MV中呈現。Angela坦言MV中有一幕是自己的真實故事：“有一幕係喊住睇返舊時回憶，現實生活中有試過，但拍MV係第一次喊到咁慘。”

MV其中一幕是Angela在畫畫、男主角在彈結他，Angela笑說：“其實我唔係好識畫畫，希望冇露底啦。不過都希望自己會有呢種氣質，哈哈。”

此外，她表示最鍾意自彈自唱部分，因為很有童話感覺：“導演將我的畫面拍得特別有童話風格、與男主角的互動好唯美浪漫，真係好多謝佢。”