葉晴晴意外懷孕堅持工作

日前創作歌手Robynn Yip（葉晴晴）上TVB娛樂新聞台節目《StarTalk》受訪，大談組合Robynn & Kendy休團後單飛出歌的感受。談到準備做媽咪的心情，Robynn說：“我問中醫坐月時要注意啲咩，另外我之前讀心理同教過小朋友，所以我可以學以致用。（學煮飯？）呢樣我唔得，好差，我老公煮嘢好叻，我唔敢煮畀佢食，正如佢唔鍾意係我面前唱歌一樣。”

Robynn說：“其實懷孕唔喺我今年嘅計劃之內，冇想過可以同單飛出歌同步發生，估唔到自己懷孕九個月仲可以有足夠精神去工作，都要畀個叻自己。出到三首英文歌，其中《Little Love》呢首歌係寫畀BB，唱呢首歌嘅時候佢會踢我。（有咗BB係咪打亂你本身計劃？）我年頭仲同老公講，今年自己工作上有好多計劃，如果今年有咗BB我會好大壓力，我老公話收到明白！點知上天真係畀咗呢個驚喜我哋，但我同老公、屋企人都好開心，會抱住好期待嘅心情迎接小生命。”