張兆煊兵雄將勇

昨周二為主課期，因打風關係原定三組馬試閘均告取消，留待今早進行。開季後華人倉口一直領先，張兆煊現以六W居榜首。練者乃前五屆冠軍，贏完該屆失落盟主寶座多年，看來今屆是有意重拾冠軍。唯目前只是季初，談論冠軍屬誰，尚言之過早。但兆廄今季有大批新馬補充，目前養馬逾二十匹。廄內兵源驟增，對練者爭功有莫大幫助。近日又有“飛來蜢”，蔡廄“家裏有礦”蟬過別枝，轉投兆廄。練者得此駒加盟，令馬房實力增強。“家裏有礦”上季養在蔡廄跑沙地爆九十九倍大冷，擊敗沙地短途王“金槍霸”，可見實力不凡。及後轉戰草地千二米輕易再下一城，擺明馬有高質。惟贏完兩場再無表現，或許是健康影響。前日幕後人拉馬轉房，由兆廄接手，練者倘撚得返生，應是“執到寶”。

張兆煊擔正練馬師只五年光景，但每屆成績穩定，練馬亦有功夫，戰駒耐拼稱著。以退役馬“進士”而言，在澳跑過九十八場，共取十七冠十亞十七季，戰績出色。且十一歲還可贏馬，耐拼到你唔信。上季張兆煊發掘了“峰飛騰”此匹“銀行馬”，在澳十五戰共取四冠四亞六季一殿，還未脫過前四，戰績彪炳，每次出賽都有獎金似銀行收息。“峰飛騰”沙草俱佳，質新分子愈跑愈好，由五班贏至上二班，已成兆廄主要取分棋子。張兆煊部署出擊有計劃，戰駒搏殺交得準。今季續有馬加盟。目前旗下兵雄將勇，以倉口實力足與各廄周旋到底。