林師傑渴望成為人父

藝人林師傑日前接受香港開電視主播馬梓軒專訪，分享轉型為獨立音樂人的苦與樂，更坦言渴望成為人父：“我好想生個女呀！想咗幾年啦！之前新聞傳過兩次太太歐陽巧瑩懷孕，但仲未生到，哈哈！其實一直有計劃造人，計劃從來冇停過。不過現時工作上樣樣都要一腳踢，的確少咗時間陪太太。”

林師傑宣佈回復自由身，早前推出新歌《尊悲不分》。他表示這首歌在五年前已寫好，用以記錄自己的心情和無力感，但當時未有機會推出。他說：“當時我有將首歌畀舊公司聽，但原來我要起碼寫兩百首歌，才可能被揀中一首！好多人問我點解要堅持做音樂，對我來說其實好簡單，因為我冇得揀，呢樣係我生計！呢首歌正係表達自己心情，話畀大家知，我當時心情有幾咁沉重。”

縱使在舊公司期間有沮喪的時候，但林師傑亦有不少開心難忘的回憶，他笑言：“我結婚當日係擺咗六圍酒，全部都係幕前幕後同事。我本身係一個半紅不黑藝人，亦唔係做咗好勁的項目令大家畀面出席，我相信大家真係喜歡我。”