陳展鵬與妻撐檯腳慶布婚

陳展鵬與老婆單文柔結婚兩周年，二人前日在八號風球下，撇低一歲多女兒“小豬比”，到酒店享受二人世界慶祝。

展鵬與文柔昨日分別在社交網站曬相留言放閃，單文柔更以人妻視覺拍下老公進餐時心不在焉的一刻，笑着留言道：“唔好左望右望，今日係Anniversary，你前世情人瞓咗，就專心陪我！”陳展鵬亦以人夫視覺為太太拍靚相並留言回應道：“雖然今日係一個特別嘅日子，但係都唔使帶埋保鑣嚟睇住晒嘅，浪卡距離咁遠吹你唔走嘅！”從相中所見，單文柔身後有位侍應站着，就好像她的隨身保鑣，相當搞笑。

網友看到夫婦倆大耍花槍，亦紛紛留言點讚，更有人催他們早日為“小豬比”生個弟弟“小豬Pan”，可以湊成個“好”字。