志仔鮮生操好出擊

澳馬今午上演四草兩沙混合賽，在全闊草地角逐，頭場兩點正開跑。騎師除中野省吾停賽外，其餘由原班人馬上陣。綜觀大局，是仗參賽馬稍增，逾半場合出十二匹，形勢緊湊。中下班馬混戰局面，暗湧重重，提防賽果熱倒冷爆，投注執生。

馬季開鑼後，華人馬房積極進取，迄有多廄已開齋。外籍倉口史偉恩廄新季已開餬，上仗亦贏馬。今賽精兵出擊，拼盡可添進帳。筆者心水推介，第四場三四班千二米，恩廄“志仔鮮生”可做馬膽。此駒上賽千五米由頭直放到尾，張志立贏來兵不血刃，人馬表現令人憧憬。拼後休養生息後重上征途，今次做足工夫再來，原配張志立轉戰千二米起家路，擺明合腳法。五歲馬大熟大勇，上季尾連捷演出夠悅目，今番操好出擊，欣逢路合檔佳，冀可打開新季勝門。