余香凝飲喜酒爛醉撞牆

吳嘉熙與余香凝日前現身網台節目《後台》宣傳新歌，兩人大談飲醉酒經歷。

日前傳出喜訊的余香凝，率先自爆曾參加婚禮飲到斷片出醜：“當時第一次出席外國婚禮，其實同主人家唔係好熟，但係好開心啦！我企出來玩鬥飲酒，咩酒都溝晒！最後印象就係第二道菜，咁就去到第二朝早。清醒之後，我仲同朋友講‘尋晚冇嘔都幾叻’，點知望一望張床，全部都係嘔吐物。之後朋友問我個頭有冇痛？原來我當時堅持飲酒，推低晒勸酒的朋友，自己都撞咗埋牆，但我對成個過程完全冇印象。”

吳嘉熙就話自己飲醉酒會嘔黃膽水，仲試過飲醉酒陪家人掃墓。她笑指性格好癲，曾被舊愛逼到發惡：“我試過企上去爛咗的玻璃碟上，寧願劃爛自己的手手腳腳，大叫‘可唔可以唔好再嘈啊’。我覺得自己性格惡頂位係太過直腸直肚，有時似係唔畀面，但另一角度睇，就係好誠實囉。”