強勁充沛拼盡開齋

開季後華人馬房展攻勢，張兆煊連仗搏殺得心應手，現以六W帶頭。今仗兆廄出馬不多，全晚四駒仍可吼。另一旺門倉口錢健明廄，今仗八駒應戰，不乏實力馬，值得重視。

錢健明上仗出擊有斬獲，馬房至今有三W排名上升。練者近日獲馬主購入逾三百萬澳門元的新馬加盟旗下，令錢廄軍心大振，料此新馬季內可替馬房爭功。今仗錢廄佈強陣，兵分多路搏殺，馬迷可吼緊。

第一場：五六班千五米。“康泰無敵”上季同程曾入位，反映路程適應。此駒迄未贏馬，但質新分子不斷進步。拚後復課打磨甚力，功夫做得充分，論馬狀態起得不差。今於五六班混戰，計實力有着數。排一檔起步及時跟順，有權一網打盡。

第二場：五六班千五米。“強勁充沛”上季屢拼不逞，至多跑入第二名，練者已極欲替牠贏馬。此駒上仗沙地無功而回，擺明不合腳法，敗難作據。今熱身後回師草地千五米應不同估計，原配高君濤操刀人馬夾檔。憑騎者駕輕就熟，拚盡可開齋。

第四場：二班一三五○米。“甜滿”上季至今還未有頭馬見面。但沉寂一輪上仗跑入梗頸四，走勢見接近。拼後重新打磨，論馬狀態有進。此駒評分有利，現居班次夠實力周旋。今次交張志立主轡，遇同組對手無多，有力敲開勝門。