華仔與青雲難忘拯救戲

劉德華與劉青雲“雙影帝”組合新片《拆彈專家2》上畫在即，兩人相隔十八年後再合作，大銀幕上正面交鋒，亦敵亦友；戲外則無所不談，儼如老朋友一樣。

片中有連場槍戰、爆破、武打等場面，問到兩位影帝最難忘的拍攝場面，青雲坦言是當中一場“拯救”戲，兩人要登上一輛貨Van，然後由吊臂將貨Van吊上八層樓高。青雲說：“雖然導演有話吊高，但冇講會吊幾高，拍攝時候一、二、三就吊咗上去，我仲諗住會慢慢試，點知一Take就完成。”華仔聞言即說：“雖然係好快，但見武指好認真，每次吊之前都會檢查條威也有冇受損。以前拍戲就搵命博，依家會覺得被照顧，安全感好大。”

相隔多年再碰頭，令華仔印象深刻的是另一幕：“我最深刻反而係第一日同青雲開工，感覺好新鮮，好似見返舊朋友咁，十幾年前合作的感覺返晒！”青雲直言兩人默契依然：“時間多與少跟默契沒有關係，有些演員會特別有火花，今次係大家有共同理念。”華仔也認同人與人之間的緣分很特別：“每次跟不同演員合作，好似入行初期同發哥等合作都會特別有默契，就算鏡頭冇特別交代是兩兄弟，出來感覺都會被人認為是兩兄弟，呢個係演員間的化學作用。正如青雲同倪妮有一場戲，我在旁邊看，就令我覺得成套電影充滿了演員的努力，有意想不到的驚喜。”